“શ્રી નાથજી સત્ય છે.”
મેરીડ કપલ્સ માં સૌથી વધારે ચર્ચાતો પ્રશ્ન છે કે ઇન્ટિમસી કેવી રીતે વધારવી? લાઈફમાં શું ઈમ્પ્લીમેન્ટ કરવું જેથી એકબીજા માટેની ઇન્ટિમસી વધી શકે? કોઈ ટિપ્સ કે ઉપાય ?
આજની ભાગદોડ વાળી લાઈફ સ્ટાઇલમાં પતિ-પત્ની પોતાના બાળકો, ઘર, જવાબદારીઓ જેવી કે ફાઇનાન્સિયલ મેનેજમેન્ટ, હોમ મેનેજમેન્ટ, ઓફિસ વર્કલોડ, સોશ્યલ રિસપોન્સબિલિટી, પેરેન્ટ્સ રિસ્પોન્સિબલ જેવા અનેક મોરચે દોડતા અને સાચવતા એકબીજાને સાચવવાનું, એકબીજાનું ધ્યાન રાખવાનું ચુકી જાય છે. અને એથી એકબીજા માટે અસંતોષની લાગણી જન્મે છે, એકબીજા માટે અંતર વધતું જાય છે. આના પરિણામે મિસકોમ્યુનિકેશન, મતભેદ વધે છે, ફાઇનાન્સિયલ પ્રોબ્લેમ વધે છે, પેરેન્ટીંગમાં પણ કોન્ફ્લિક્ટ આવે છે, અને આ બધાની અસર પડે છે સેક્સલાઇફ પર.
જો એકબીજા સાથેનું કનેકશન પરફેક્ટ, સ્ટ્રોંગ રાખવામાં આવે તો પતિ-પત્ની ના રિલેશન ખુબ જ ઈમ્પ્રુવ થાય છે. એકબીજા માટે વિશ્વાસ વધે છે સાથે રિસ્પેક્ટ પણ વખતો વખત વધે છે. આ વાતને ધ્યાન માં રાખવામાં આવે તો રિલેશન એકદમ રિમાર્કેબલ બની જાય છે. દરેક મેરિડ કપલ્સ માટે હું એક વાત કહીશ કે પ્રેમ,વિશ્વાસ,રિસ્પેક્ટ અને એક્બીજા માટેની લાગણી જેવા ચાર પિલર પર મેરેજનો મહેલ ઉભો રહી શકે અને તો જ સાચી ખુશીની અનુભૂતિ થાય.
હું જયારે મેરેજ કાઉન્સેલિંગના સેશન માં હોઉં એ વખતે હું કપલ્સ ને અમુક એક્સર્સાઇઝ કરવું છું. (એ દરેક કેસમાં અલગ અલગ હોય છે.) અહીં આપણે થોડા પોઈન્ટ્સ ની ચર્ચા કરીશું.
→ એક લિસ્ટ બનાવો તમારા જે તમારા પાર્ટનર ઈચ્છે કે તમે એ કરો. અને ટ્રાઈ કરો કે રોજ એમાંથી કંઈક ને કંઈક કરો. એક દિવસ એ લિસ્ટ પૂરું થઇ જશે અને તમે તમારા પાર્ટનર માટે કંઈ એને ગમતું કર્યાંનો આનંદ આવશે અને તમારા પાર્ટનરનો તમારા માટે નો પ્રેમ રોજ રોજ વધુ ને વધુ દ્રઢ બનતો જશે. અને તમારા પાર્ટનર માટે એને ગમતું કઈ ને કઈ કરવું એ તમારી હોબી બની જશે.
→ ઘણી વખત પાર્ટનર્સ એકબીજા સાથેના મતભેદ ને મનભેદ બનાવી લે છે અને ગુસ્સામાં કહી દે છે કે “I DONT LOVE YOU ANY MORE અને I WANT TO BE OUT”આ નો મતલબ એમ છે કે આવા પાર્ટનર્સ ખુબ જ સેન્સીટિવ છે એમને એમના મેરેજ ની પ્રાયોરિટી છે જ પણ એમને શબ્દો નહિ પણ લાગણી ની ખુબ જ જરૂર છે. આજના હાઈટેક સમયમાં શિડ્યૂલ સાચવા કે યાદ રાખવા માટે ઘણા શિડ્યૂલ મેનેજર મળી રહે છે. પરંતુ ખરી જરૂર તો મેરેજ લાઈફના શિડ્યૂલ સાચવવાની છે. એકબીજા ને પ્રાયોરિટી આપવાની છે.
→જે કપલ્સ ને બાળકો છે એમના માટે ખુબ જ ઈમ્પોર્ટન્ટ છે કે એમની હેપી લાઇફ જોઈને બાળકો ઘણું બધું શીખે. એ એમના ફયુચર લાઈફની એક સરસ ગિફ્ટ છે. હેલ્ધી મેરેજ લાઈફ એ બાળકો માટે એક ઉદાહરણ બની જશે. એમના મનમાં એક સરસ, સારા, આદર્શ ફેમિલીની ફ્રેમ ત્યાર થશે. બાળકો પેરન્ટ્સ પાસેથી ઘણુંબધું શીખે છે. તો પેરન્ટ્સની ઇન્ટિમસી પણ બાળકોના મન માં એક છબી ઉભી કરે છે કે પેરન્ટ્સ કેવા હોવા જોઈએ.
.→બાળકો ને એમની ઉંમર સાથે દરેક મોડ પર જુદા જુદા પ્રશ્નો હોય છે. અને એ પ્રશ્નોનું સોલ્યૂશન જો પેરન્ટ્સ પાસેથી મળી જાય તો એને બીજે ક્યાંય પણ જવું નહી પડે જેથી બાળક ક્યારેય પણ મીસગાઈડ ન થાય. પણ એ ત્યારેજ શક્ય છે જો ઘર માં હેલ્ધી વાતાવરણ હોય. એના માટે જરૂરી છે કે પેરન્ટ્સ વચ્ચે કોમ્યુનિકેશન હોય, પ્રેમ હોય એટલે કે ઇન્ટિમસી હોય તો બાળકો આવા હેલ્ધી વાતાવરણમાં એમને જે પણ કંઈ જાણવું હોય કે પૂછવું હોય એ પૂછી શકે. અને કપલ્સ વચ્ચેની બેસ્ટ ઇન્ટિમસી નું ઉદાહરણ મનમાં રાખે અને પોતાની ફ્યુચર લાઈફમાં ઍવા બેસ્ટ પાર્ટનર બનવાના અફૉર્ટ પણ કરે.
→તમારા પાર્ટનર સાથે રોજ 15-20 મિનિટ નું કન્વર્સેશન કરો (આર્ગ્યુમેન્ટ નહિ) બને તો એકબીજાને શાંતિ થી સાંભળો અને સમજો. ટેક્સ્ટ,ફોન કે ઇમેઇલ કન્વર્સેશનન કરતા ફેસ ટુ ફેસ કન્વર્સેશન વધારે ઈફેકટીવ છે. એના માટે સાથે મોર્નીગ કે ઇવનિંગ વોક પર જાવ, ગેમ્સ રમો, સાથે જિમિંગ કરો, સાથે કુકીંગ કરો, ક્યારેક વિકેન્ડ પર બંને ક્યાંક ફરવા જાવ (બાળકોને દાદા-દાદી પાસે મૂકીને) એકબીજા નું સાનિધ્ય માણો, મોબાઈલ પણ અવોઇડ કરો અને ફક્ત એકબીજાને સમય આપો. જેથી તમારી ઈન્ટીમસી વધશે.
→હંમેશા એકબીજા સાથે કન્વર્સેશન કરતા રહો એ તમારા પોતાના વિષે હોઇ શકે, તમારા રિલેશન વિષે હોઇ શકે, ફેમિલી, બાળકો, ફાઇનાન્સ, ઇંટ્રેસ્ટ કે ફયુચર પ્લાન કંઈ પણ હોય પણ એકબીજા થી હંમેશા કનેક્ટેડ રહો.
→હંમેશા તમારા પાર્ટનર નું ધ્યાન રાખો એને કંઈ હર્ટ ન થાય એ જુઓ. એની લાગણીઓ સમજો, એની ઈચ્છાઓને પ્રાધાન્ય આપો તો એને પણ ખ્યાલ આવશે કે તમે એની કેર કરો છો.
→ઈવનીંગ ટાઈમ દરેક ફેમિલીમાં અલગ અલગ રીતે સ્પેન્ડ થતો હોય છે. પણ મોસ્ટલી એ કોઈ પણ ઇલેકટ્રોનિક ગેઝેટ સાથે જ હોય છે.અને ભુલાઈ જાય છે કે તમારા ફેમિલી ને, તમારા બાળકોને કે તમારા પાર્ટનરને પણ તમારી જરુરીયાત છે. આ વાત દરેક ને લાગુ પડે છે. ઇલેકટ્રોનિક ગેઝેટ ને બદલે તમારા પાર્ટનર ને વધુ ટાઈમ આપો તો ઇન્ટિમસી વધશે.
→સુવાના સમયે તમારા પાર્ટનરને ગુડ નાઈટ કહો એ સારી વાત છે પણ એ એક ફોર્માલિટી ન હોવી જોઈએ. ક્યારે પણ ગુસ્સામાં સુવા ન જાવ. આ સમય એ ફક્ત તમારા બે માટે વેલ્યૂએબલ છે. એકબીજાના સાનિધ્યમાં આખા દિવસ નો સ્ટ્રેસ, ચિંતા, અને ટેન્શન ને ભૂલી જાવ. અને રિલેક્સ થાવ. સેક્સ એ મેરેજ લાઈફનું એક અભિન્ન અંગ છે. જો સેક્સુઅલ લાઈફ હેલ્ધી હોય તો ઘણા પ્રોબ્લેમ્સ સોલ્વ થઇ જાય છે. સેક્સને ક્યારે પણ રૂટિન ન બનાવો પણ સેક્સને મેરેજ લાઈફનો એક હૅપ્પી પાર્ટ બનાવો તો તમે એકબીજા ની વધુ નજીક આવી શકશો અને એકબીજા માટે ઇન્ટિમેટ થઇ શકશો.
મેરેજ એ રોજ બરોજ નું હેન્ગ આઉટ નથી, ખાઓ, પીઓ ને જલસા કરો. કે પછી ફરવું ન મોજ મજા જ કરવી. મેરેજ જવાબદારી ના ડગલાં નથી પરંતુ મેરેજ એટલે એફર્ટલેસ પ્રેમ, જેમાં એકબીજા નું ધ્યાન રાખવાથી મેરેજ નામનો છોડ એક મજબૂત અને મીઠા ફળ આપતું વૃક્ષ બની જાય છે. અને આ શક્ય છે એકબીજા સાથે વધુ ને વધુ ઇન્ટિમેટ થવાથી જ.
આ આર્ટિકલ તમને ગમ્યો હોય તો તમારા પ્રતિભાવ જરૂર આપશો.
જલ્દી મળીશું નવા વિષય સાથે.
ચાંદની દલાલ
મેરેજ કન્સલ્ટન્ટ
Vivaah Marriage Bureau 